Kinumpirma ng mga otoridad na ginahasa ng suspek na si Carmelino “Miling” Ibañes ang isa sa limang biktima ng masaker sa San Jose Del Monte, Bulacan.
Sa isinagawang press conference kanina sa Camp Olivas sa Pampanga, sinabi ni Bulacan Provincial Police Director Sr. Supt. Romeo Caramat III na batay sa findings ng forensic exam, ginahasa ni Ibañes si Estrella Dizon.
Ayon kay Caramat, ang DNA sample sa vaginal swab na nakuha mula kay Estrella ay nagtugma sa DNA sample kay Ibañes.
Maliban kay Estrella, kabilang din sa minasaker si Ginang Auring Dizon at tatlong anak ni Estrella na sina Donnie, Ella at Dexter Jr.
- Meann Tanbio
