Opensiba ng AFP sa Maute-ISIS terror group patuloy pa rin

Tuloy  tuloy  pa  rin ang operasyon  ng  Armed  Forces  of  the  Philippines  laban sa  Maute-ISIS  terror  group sa  Marawi City.

Sinabi sa  DWIZ  ni  AFP Spokesman Brig. Gen. Restituto Padilla  na  hindi nagbabago ang  bilis  at  galaw  ng  mga  sundalo  sa  paghahanap  ng  mga  kalabang  nagtatago sa  ilang lugar sa  lungsod.

Maingat  din ang  ginagawang  clearing  operations dahil sa posibleng  itinanim na  mga  bomba   dahil nais  makatiyak  ng AFP na  ligtas  ang  mga  residente kapag  may  go signal  na  puwede ng   bumalik ang  mga  ito sa  kanilang  lugar.

Sinabi ni Padilla  na  hindi sila  magbibigay  ng  timeline  kung  kailan  matatapos  ang  krisis sa  Marawi  dahil may  mga  kumplikasyong  kinakaharap ang  mga   tropang  nasa  mismong  lugar  ng  bakbakan.

By: Aileen Taliping

Comments

comments