Hindi tamang pag-awit ng Lupang Hinirang papatawan ng mas mataas na parusa

Lusot na sa ikatlo at huling pagbasa sa Kamara ang panukalang batas na nagpapataw ng mas mabigat na parusa sa hindi tamang pag-awit ng Lupang Hinirang.

Sa ilalim ng House Bill 5224, tinaasan na sa 50 hanggang 100,000 Piso ang multa para sa sinumang hindi mai-aawit ng maayos ang national anthem mula sa dating 5 hanggang 20,000 Pisong multa.

Ibig sabihin, mahigpit na susundin ng lahat ang tamang pagbigkas ng mga salita at pag-awit sa tamang tono ng Lupang Hinirang na itinatadhana ng Flag and Heraldic Code of the Philippines.

Layon nitong mai-ukit sa puso’t kamalayan ng mga Pilipino ang diwang makabansa at maituwid ang mga maling kasanayan at paglapastangan sa watawat at pabansang awit ng Pilipinas.

By: Jaymark Dagala

Comments

comments