Nakasama na ng aktres na si Lotlot De Leon ang kanyang tunay na ama na nasa Amerika matapos ang apatnapu’t limang (45) taong paghahanap.
Ibinahagi ni Lotlot ang magandang balita sa kanyang social media account at ipinakita ang mga larawan ng reunion nilang mag-ama sa Florida.
Bukod sa biological father na si Donald Lee Olson, nakasama rin ng aktres ang kanyang mga kapatid na sina Dawn Olson Evans, Myria Olson Dufresne at Donna Olson Bennett.
Nagpapasalamat naman si Lotlot na dininig ng Diyos ang kanyang panalangin na matagpuan ang tunay na ama maging ang kanyang biological sisters.
Sa ngayon anya ay hindi niya masabi ang kanyang nararamdaman bagkus ay pawang kasiyahan at kagalakan ang nangingibabaw lalo’t matagal na panahon niyang hinintay na makapiling ang ama.
Dalawang araw namalagi si Lotlot sa Amerika para reunion nilang mag-aama.
By Drew Nacino
Photo Credit: Lotlot De Leon Instagram Account
