Muling nagbabala ang BSP o Bangko Sentral ng Pilipinas hinggil sa pagpapakalat ng mga pekeng pera.
Ito’y makaraang iharap ng NBI o National Bureau of Investigation sa publiko ang tatlong suspek makaraang maaresto sa isinagawang operasyon.
Sa bisa ng search warrant na inilabas ng Manila Regional Trial Court Branch 50, tumambad sa mga awtoridad ang pagawaan ng pekeng pera sa LRC Compound sa Sta. Mesa.
Kinilala ang mga naaresto na sina Richard Ansus, Anthony Cuatico at Irmalynne Pablo na pawang nahaharap sa paglabag sa Article 168 o illegal possession and use of false treasury or bank notes gayundin sa revised penal code.
By Jaymark Dagala
