Umatras na sa BNP Paribas Open sa Indian Wells at Miami Open si World No.1 Tennis Star Serena Williams.
Ito ay dahil sa iniindang injury ni Williams sa kaliwa nitong tuhod.
Dahil dito, mistulang isinuko na rin ni Williams ang World No.1 Tennis Ranking sa German Tennis Star na si Angelique Kerber.
Matatandaang nito lamang Enero nang mabawi ni Williams ang top ranking kay Kerber makaraang masungkit nito ang kanyang ika 23 grand slam single title sa Australian Open.
Ang BNP Paribas Open ay magsisimula na sa Huwebes habang ang Miami Open ay sa Marso 20.
By Ralph Obina
