Inaresto ng NBI o National Bureau Investigation ang tatlong tao sa isang entrapment operation sa Paumbong, Bulacan kahapon ng umaga dahil sa pangingikil sa isang Amerikano kapalit ng hindi nila paglalabas ng kanyang video.
Ayon kay NBI Special Task Force Chief Moises Tamayo, personal na dumulog sa kanilang tanggapan ang biktima upang ireklamo sina Remelyn Legaspi at magkapatid na Veronica at Christopher Peramide.
Ayon sa imbestigasyon, inirecord nina Legaspi at ng magkapatid na Peramide ang biktima habang ka-chat siya at nanonood online ng mga babaeng nagsasayaw nang hubo’t hubad.
Nakapangikil na ng 2000 dolyar ang tatlo ngunit nang ikatlong beses na silang humingi ng pera, dumulog na ang biktima sa mga otoridad.
By: Avee Devierte / Aya Yupangco
