Nahaharap sa kasong paglabag sa Anti-Graft and Corrupt Practices Act sa Sandiganbayan, si Optical Media Board (OMB) Chairman Ronnie Ricketts.
Ayon sa Ombudsman, ang kaso ay kaugnay sa ginawang raid ng grupo ni Ricketts sa Sky High Marketing, noong Mayo 27, 2010.
Sinabi ng Ombudsman na nilabag ni Ricketts, kasama sina Cyrus Valenzuela, Manuel Mangubat, Joseph Arnaldo at Glenn Perez ang batas, nang kinagabihan ay biglang ni-release ng mga ito ang nakumpiskang piniratang DVDs, nang walang anumang kaso laban sa pamunuan ng sky high.
Binigyang diin ng Ombudsman na nakakaduda ang naturang hakbang, lalo na at walang anumang paliwanag na sinabi si Ricketts.
By Katrina Valle | Jill Resontoc (Patrol 7)
