Pasok na rin ang DOLE o Department of Labor and Employment sa imbestigasyon kaugnay sa nangyaring aksidente sa isang tourist bus sa Tanay, Rizal.
Ipinabatid ni Labor Secretary Silvestre Bello III na inatasan niya na si DOLE Regional Office 4-A Director Zenaida Campita, na nakasasakop sa lalawigan, na imbestigahan ang insidente upang matukoy kung ano ang pananagutan ng Panda Coach Tourist and Transport Inc.
Idinagdag pa ni Bello na nais din nilang malaman kung nasunod ang occupational safety and health standards ng kumpanya na nagmamay-ari sa naaksidenteng bus.
Nangako rin ang kalihim na bibigyan ng assistance and benefits ang mga manggagawa ng nasabing tourist bus company sa ilalim ng employees’ compensation commission program ng DOLE.
By Meann Tanbio
