Pinatitigil ng isang mambabatas ang pagpapadala ng mga OFW sa Kuwait.
Sinabi ito ni ACTS OFW Partylist Representative John Bertiz kasunod ng pagbitay sa OFW na si Jakatia Pawa at isa pang kaso ng pambubugbog sa isang domestic helper.
Isa pa rin aniyang OFW ang nagva-viral ngayon sa social media dahil tatalon ito sa isang gusali sa Kuwait.
Ayon kay Bertiz, dapat aksyunan ng Department of Labor and Employment at ng Department of Foreign Affairs ang lahat ng kaawa-awang sinapit ng mga OFW.
Maliit aniyang bansa ang Kuwait pero mataas ang datos ng mga inaabusong Pinoy domestic helper doon.
By: Avee Devierte / Allan Francisco
