Muling nanawagan ang mga mambabatas na unahin ng pamahalaan ang pagpapanagot sa high value targets na sangkot sa iligal na droga.
Ayon kay House Minority Floor Leader Representative Danilo Suarez, dapat maipakita ng pamahalaan na kaya nilang mapagpanagot ang mga ito.
Sinabi ni Suarez na hindi matatapos ang laban sa iligal droga dahil talagang malala na ito at pinalala pa, aniya, ng nakaraang administrasyon.
Sa panig naman ni Representative Lito Atienza, dapat aniyang totohanin ni Pangulong Rodrigo Duterte ang pagpaparusa sa mga pulis na sangkot sa iligal na droga at iba pang katiwalian.
Dapat aniyang ikulong ang mga ito at huwag lamang basta ilipat ng isyasyon.
By: Avee Devierte / Allan Francisco
