Plano ng Inter-Agency Council on Traffic o I-ACT na pagmultahin ng Isang Milyong Piso ang mga provincial bus na dadaan ng Edsa-Timog Avenue hanggang EDSA- P. Tuazon boulevard dahil maituturing silang colorum o out-of-line.
Ito ang inihayag ni MMDA General Manager Tim Orbos kasunod ng pagpapatupad ng nose in, nose out policy kung saan sa mga nabanggit na lugar bawal dumaan ang mga bus mula Alas-6:00 hanggang alas-10:00 ng umaga.
Sinabi ni Orbos na wala pang guidelines ang I-ACT kung paano ipatutupad ang P1 Milyong multa sa mga provincial bus na dadaan sa EDSA.
Sa kasalukuyan, ayon kay Orbos, ang mahuhuling provincial buses ay may multang P300.00 para sa paglabag sa IACT order.
By: Meann Tanbio / Allan Francisco
