Kasalukuyang iniimbestigahan ngayon ng Bureau of Immigration ang Dalawang Associate Commissioners nito hinggil sa aligasyon ng pangingikil sa gambling tycoon na si Jack Lam.
Ayon kay Immigration Commissioner Jaime Morente, sinasabing 50 Milyong Piso ang hinihingi ng Dalawa kay Lam kapalit ang pagpapalaya sa 1000 Chinese national na naaresto sa Clark, Pampanga kamakailan.
Magugunitang kinilala ng DWIZ anchor na si Ramon Tulfo sa kaniyang kolum sa pahayagan sina Associate Commissioners Michael Robles at Al Argosino na itinalaga sa nasabing posisyon nito lamang Agosto ng taong kasalukuyan.
Una nang ipinag-utos ng Pangulong Rodrigo Duterte kay Justice Secretary Vitaliano Aguirre ang pagsasampa ng kasong bribery at economic sabotage laban kay Lam dahil sa iligal na pagpapatakbo nito ng casino.
By: Jaymark Dagala
