Nais lamang ng Pangulong Rodrigo Duterte na makipagtulungan ang bawat isa sa kampanya kontra droga at kriminalidad.
Ito, ayon kay Atty. Salvador Panelo, Chief Legal Counsel ng Pangulong Rodrigo Duterte, ang tunay na mensahe ng pahayag ng Pangulo na isasama sa umano’y “kill list” ang mga kritiko ng kampanya.
Binigyang diin ni Panelo na maaaring hindi batid ng mga kritiko ang lalim at bigat ng problema kung saan milyon-milyong Pilipino ang naapektuhan.
Nanindigan din si Panelo na walang kinalaman ang pamahalaan sa kaso ng mga extrajudicial killings at hindi ito maituturing na state sanctioned killings.
By: Katrina Valle
