Tinawag na “stupid” ni Justice Sec. Vitaliano Aguirre ang pahayag ni Sen. Leila De Lima na government asset ang convicted kidnapper na si Jaybee Sebastian.
Ayon kay Aguirre, kabobohan ang ginawang paghihiwalay kay Sebastian sa Bilibid 19 na inilipat naman sa NBI kung totoo man na asset ito matapos magsagawa nang raid sina De Lima sa New Bilibid Prison noong 2014.
Kinuwestiyon din ng kalihim ang rason kung bakit sa kabila nang pagiging umano’y asset ni Sebastian ay hindi ito isinama sa paglilipat ng ibang high-profile inmates.
Matatandaan na pinangunahan ni Sen. De Lima ang “Oplan Galugad” sa loob ng NBP kung saan nakakuha ang NBI ng mga baril, illegal drugs, pera, alahas at mga appliences sa loob ng national penitentiary.
By: Mariboy Ysibido
