Kinumpirma mismo ni PNP Chief Ronald ‘Bato’ Dela Rosa na hawak na nila ang pangalan ng suspek sa pambobomba sa Davao City noong nakaraang Biyernes.
Dahil dito, ayon kay Bato, gumagalaw na ngayon ang kanilang mga tauhan para tugisin at maaresto ang suspek.
Alam na raw nila kung saan ito nagtatago.
Gayunman ayaw munang isapubliko ni Bato ang pangalan ng suspek.
Positibo anyang kinilala ng mga testigo ang suspek sa pamamagitan ng ipinakalat nilang litrato nito.
Kumpirmado din aniya na miyembro ang suspek ng isang teroristang grupo pero ayaw din munang sabihin ni Bato kung anong grupo ang kinabibilangan nito.
Tumugma din anya ang signature o palatandaan ng ginamit na bomba sa mga nagmumulang pampasabog sa central Mindanao.
By Jonathan Andal (Patrol 31)
