Sugatan ang 12 katao sa kambal na pagsabog sa loob mismo ng kampo ng Philippine National Police (PNP) sa Jolo, Sulu kagabi.
Sa inisyal na ulat, bandang alas-7:20 ng gabi nang sumabog ang unang bomba at matapos lamang ang 10 minuto ay muli na namang sumabog ang isa pa sa isang mosque sa loob ng kampo.
Kabilang sa nasugatan ang ilang mag sibilyan at mga pulis na rumesponde sa pagsabog.
Sinabi naman ni Department Interior and Local Government (DILG) Secretary Mar Roxas na ang prioridad sa ngayon ay ang malapatan ng lunas at matugunan ang pangangailangang medikal ng mga nasugatan.
Ipinangako naman ni Roxas na mapapanagot sa batas ang nasa likod ng naturang pagsabog.
By Rianne Briones
