Binawi ni Davao City Mayor Rodrigo Duterte ang kanyang naunang pag-amin na konektado siya sa Davao Death Squad o DDS.
Kumambiyo ang alkalde sa pagsasabing Davao Development System at hindi Davao Death Squad ang kanyang ibig sabihin ng DDS na isa sa mga paraan para sa pagpapaunlad sa lungsod.
Hindi rin anya nangangahulugan ng pag-uutos na patayin ang mga kriminal sa Davao City ang kaniyang katagang “I Will Kill You.”
Giit ni Mayor Digong, mula nang maupo bilang alkalde ng Davao City, hindi kailanman siya nag-utos sa isang pulis na pumatay ng kriminal.
By Jaymark Dagala
