Matinding babala ang binitiwan ni Philippine National Police (PNP) Chief Director General Ronald dela Rosa sa mga pulis na masasangkot sa hulidap.
Tinawag na kasuklam-suklam ni dela Rosa ang ganitong gawain ng mga pulis.
Hindi na anya dapat ibinabalik sa serbisyo ang mga pulis na mapapatunayang sangkot sa hulidap.
Binigyang diin ni dela Rosa na dapat ay inaaresto at iniimbestigahan ang mga nagkasala sa batas at hindi kinukwartahan ng mga pulis.
Una rito, nagsumbong kay dela Rosa ang 34 na taong gulang na negosyante na biktima di umano ng hulidap ng mga pulis mula sa Northern Police District.
By Len Aguirre | Jonathan Andal (Patrol 31)