Tiniyak ng Palasyo na gagamitin ni Pangulong Rodrigo Duterte ang kanyang veto power sakaling mapatunayan ang naging alegasyon ni Senator Panfilo Lacson na may nangyaring last minute insertions sa pagratipika ng Kongreso sa 2020 national budget.
Ito ang naging pahayag ni Presidential spokesman Salvador Panelo sa gitna ng pagkapasa ng 2020 budget.
Aniya, anumang probisyon sa pambansang pondo na labag sa konstitusyon ay sigurado aniyang iveveto ni Pangulo Duterte.
Hindi aniya nagbabago ang polisya ng punong ehekutibo pagdating sa mga ganitong usapin.
