Tumangging magbigay ng pahayag ang Senior Vice President ng TAPE Incorporated na si Ms. Malou Choa Fagar kaugnay sa pagkakasuspinde umano ng Eat Bulaga host na si Paolo Ballesteros.
Kapansin-pansin kasi ang pagkawala ni Paolo sa Eat Bulaga simula pa noong Biyernes, March 11.
Usap-usapan tuloy na nakatanggap ang host ng disciplinary action mula sa producer ng Eat Bulaga matapos mag post sa Facebook ng sama ng loob sa isang event guesting niya noong March 10.
Ang naturang event umano ay ang ad summit Pilipinas 2016 na ginanap sa Subic Bay Freeport zone noong March 9 to 12 na prinoduce ng TAPE Incorporated kung saan guest ang ilan sa host ng Eat Bulaga at kasama na nga dito si Paolo.
Ayon sa post ni Paolo pinangalanan niya ang isang Liza Marcelino Lazatin na napag-alaman na writer ng Eat Bulaga, hindi umano sila inaasikaso ng production ng event at ilang oras na sila sa hotel ay wala pa rin silang ideya sa mangyayari.
Hanggang sa ngayon ay wala pa rin kasiguruhan kung kelan babalik si Paolo sa Eat Bulaga.
By Jenny Valencia
