Naniniwala ang mga magulang ng hazing victim na si Atio Castillo na nagtangkang tumakas ang suspek na si Ralph Trangia nang lumipad ito patungong Amerika.
Giit ni Ginang Carmina Castillo , ina ni Atio , kailangan talaga na mayruong return date sa plane ticket bago ka makabili nito at hindi maaaring makabili ng ticket na one – way lamang.
Nauna rito , sinabi ng kampo ni Trangia na hindi intensyon ni Ralph na tumakas dahil mayruon itong return ticket nang magtungo sila ng ina sa Chicago.
Samantala , kinumpirma naman ni Ginoong Horacio Jr., ama ni Atio na natagpuan ng mga pulis ang ilang personal na gamit ng anak sa opisina sa Aegis Juris Fraternity.
Kabilang aniya dito ang panyo at suklay ni Atio na lagi nitong dala sa kanyang bag batay sa kanyang ina.
Nauna rito , sinabi ng primary suspect na si John Paul Solano na dapat ay sirain ang mga naturang ebidensya na nakuha sa Aegis Juris library dahil sa pagkakaroon ng iregularidad sa isinagawang raid.
