Hindi maitago ni Vice Ganda ang kanyang pagkadismaya makaraang mabigo ang kanyang pelikula na “Super Parental Guardians” na makapasok sa 42nd Metro Manila Film Festival (MMFF) ngayong taon.
Sa episode kahapon ng noontime program na “It’s Showtime” kung saan host ang Unkabogable Star, malungkot na inanunsyo ni Vice na hindi kasama ang pelikula nila ni Coco Martin sa MMFF.
Kaugnay nito, sinabi ni Nicanor Tiongson ng University of the Philippines Film Institute na siya ring pinuno ng MMFF 2016 Selection Committee, nagpasya ang panel na piliin lamang ang mga entries sa MMFF, base sa quality ng pelikula.
Kabilang naman sa walong pelikulang kalahok sa darating na MMFF festival na ipalalabas sa mga sinehan simula sa December 25 ay ang Die Beautiful, Kabisera, Vince, Kath and James, Saving Sally, Seklusyon, Sunday Beauty Queen, Ang Babae sa Septic Tank 2: Forever is not Enough, at Oro.
By Meann Tanbio
