Ikinatuwa ni Senate Committee on Public Services Chairperson Grace Poe ang kautusan ni Pangulong Rodrigo Duterte sa Office of the Solicitor General na sampahan ng kaso ang mga responsable sa palpak na operasyon ng MRT-3.
Ayon kay Poe, matagal na siyang nananawagan na dapat managot ang mga nagpabaya at gumawa ng kalokohan na nagresulta sa madalas na pagka-diskaril ng MRT.
Una ng isinulong ng Pangulo na kasuhan ng plunder sina dating Transportation Secretaries Mar Roxas, Emilio Joseph Abaya at dating Budget Secretary Butch Abad dahil sa pagpayag ng mga ito na ibigay ang maintenance contract sa Busan Universal Rail Incorporated (BURI) na walang track record sa railways system management.
—-
