Kalbaryo na ang inaabot ng mga pasaherong magsisipag-uwian sa kani-kanilang mga lalawigan ngayong Kapaskuhan.
Kahapon pa lamang, tila block buster sa takilya na ang pag-aabang ng bus sa mga terminal partikular sa Cubao Quezon City gayundin sa lungsod ng Pasay.
Bagama’t may ilang city buses ang binigyang ng special permit ng Land Transportation Franchising and Regulatory Board o LTFRB, hindi pa rin ito naging sapat sa dagsa ng mga pasahero.
Dalawa mula sa kabuuang 300 tsuper ng bus ang nagpositibo sa droga makaraan ang ginawang random drug testing sa mga ito dahilan upang maabala ang kanilang biyahe.
By Jaymark Dagala
