Binigyang diin ng N.P.A. o New People’s Army na mga sibilyan ang napatay ng militar sa Sipocot, Camarines Sur.
Ayon kay Michael Robredo, tagapagsalita ng Norben Gruta Command, kasinungalingan ang pahayag ni Captain Ronnie Madriñan ng 9th Infantry Division na may naganap na bakbakan sa pagitan ng army at N.P.A. noong Marso 30 sa Sitio Traktora, Bagong Silang ng nasabing bayan.
Giit ng N.P.A., nais lang makabawi ng A.F.P. sa opensiba nila noong Marso 18 kaya’t mga sibilyan na lamang ang binalingan ng 9th ID.
Paliwanag ng mga rebelde, ang mga ginagawa nilang opensiba ay bahagi ng pagkamit ng hustisya para sa mga biktima.
By Jelbert Perdez
