Inako na ni Pangulong Rodrigo Duterte ang responsibilidad sa madugong “misencounter” sa pagitan ng militar at pulisya na ikinasawi ng anim na pulis sa Samar.
Sa kanyang talumpati sa Sangyaw Festival of Lights sa Tacloban, Leyte, inihayag ni Pangulong Duterte na walang may gusto ng pangyayari.
Dapat anyang kalimutan na muna ang naturang insidente sa halip ay hayaang gumulong ang imbestigasyon.
Tiniyak naman ni Pangulong Duterte na mananagot ang sinumang opisyal sa naturang misencounter.
Samantala, binisita ng punong ehekutibo ang burol ng mga nasawing pulis sa Camp Ruperto Kangleon.
