Pinag-iingat ng pamahalaan ang mga Overseas Filipino Workers sa Riyadh, Saudi Arabia kasunod ng panibagong ulat ng missile attack mula sa Yemen.
Sa ipinalabas na pahayag ng embahada ng Pilipinas sa Riyadh, nakatanggap sila ng ulat na tatlong ballistic missile ang pinakawalan ng Houthi rebels sa Yemen at naharang ng Saudi Arabian air defense systems.
Kasabay nito, nanawagan ang embahada ng Pilipinas sa mga Filipino sa Riyadh na maging mapagmatiyag at manatiling kalmado.
Tiniyak naman ng embahada na ligtas ang lahat ng mga Filipino sa Riyadh at walang nasaktan sa nasabing missile attack.
—-
