Pinag-iingat ng Civil Aviation Authority of the Philippines o CAAP ang lahat ng mga eroplanong dumaraan malapit sa bulkang Mayon.
Kasunod na rin ito ng pagbuga ng usok at abo ng nasabing bulkan.
Sa ipinalabas na Notice to Airmen o NOTAM ng CAAP, pinaalalahanan nito ang mga piloto na huwag pumasok sa itinakdang 10 kilometer radius at taasan din ang paglipad sa paligid ng bulkang Mayon.
Babala ng CAAP, posibleng magdulot ng problema sa eroplano o aksidente kung makakapasok ang abo mula sa bulkang Mayon sa makina nito.
Sa ngayon ay nakataas na ang alert level 3 sa Mt. Mayon kung saan sapilitan nang inilikas na ang mga residenteng nasa danger zone.
(Ulat ni Raoul Esperas)
