Kinumpirma ni dating Pangulo ngayo’y Manila Mayor Joseph Ejercito Estrada na tatakbo muli siya bilang alkalde sa 2019 mid-term elections.
Ayon kay Erap, walang makapipigil sa muli niyang pagtakbo dahil marami pa siyang dapat tapusin bago siya tuluyang magretiro sa pulitika.
Nilinaw din ng alkalde na hindi nagbabago ang kaniyang paninindigan at hindi niya maaaring talikuran ang kaniyang pangako na ibalik ang dating ningning ng lungsod.
Ginawa ni Estrada ang naturang pahayag makaraang kumpirmahin din ni dating Manila Mayor Alfredo Lim na muli siyang sasabak sa halalan para tapatan si Estrada bilang alkalde ng Maynila.
Ulat ni DWIZ Patrol Reporter Aya Yupangco
Posted by: Robert Eugenio
