Asahan na ang malamig na panahon sa mga susunod pang araw lalo sa umaga.
Ito, ayon sa Philippine Atmospheric Geophysical and Astronomical Services Administration o PAGASA, ay bunsod pa rin ng northeast monsoon o hanging amihan na nararanasan sa buong bansa.
Magdadala ang amihan ng maulap na papawirin na may mahinang pag-ulan sa Cagayan Valley, Cordillera Administrative Region, Bicol Region, Eastern Visayas, Surigao Provinces, Aurora at Quezon Provinces.
Asahan din ang bahagyang maulap na papawirin na may kasamang kalat-kalat na mahinang pag-ulan sa Metro Manila at nalalabing bahagi ng bansa.
—-
