Magkakaloob ng libreng sakay ang MRT-3 at LRT Line 2 sa mga babaeng pasahero ngayong araw bilang pakikiisa sa International Women’s Day.
Magsisimula ang libreng sakay ala-7:00 hanggang alas-9:00 ngayong umaga at ala-5:00 ng hapon hanggang ala-7:00 ng gabi.
Mayroon ding 50 percent discount ang mga babaeng walk-in client na kukuha ng Ombudsman clearance application fee ngayong araw.
Libre rin ang entrance ng mga babae sa National Museum hanggang katapusan ng buwan.
Ipinagdiriwang ang International Women’s Day tuwing Marso 8 upang bigyang pagkilala ang kontribusyon ng kababaihan sa lipunan.
By Drew Nacino
