Sinuspindi ng Presidential Anti Corruption Commission o PACC ang kanilang isinasagawang parallel investigation hinggil sa kontrobersiya sa GCTA o Good Conduct Time Allowance.
Ayon sa PACC, ang nabanggit na hakbang ay bilang pagbibigay respeto sa isinasagawa ring imbestigasyon ng Senado at Office of the Ombudsman.
Gayunman, tiniyak ng PACC na patuloy pa rin silang makikipagtulungan sa dalawang nabanggit na institusyon lalo’t seryoso at malawak anila ang sangkop ng usapin.
Magugunitang kapwa tumatayong resource person sa pagdinig ng Senado sa kontrobersiyal na GCTA Law sina PACC Commissioner Manuelito Luna at Chairman Dante Jimenez.
