Nakapili na ang mga kongresista ng mga papalit sa binakanteng posisyon nina Pampanga 2nd District Representative Gloria Arroyo at Lipa City, Batangas Representative Vilma Santos-Recto.
Inihalal ng mga mambabatas si Foreign Affairs Committee Chairperson Bulacan Rep. Linabelle Ruth Villarica bilang bagong Deputy Speaker for Central Luzon, na dating hawak ng dating Pangulo habang Chairman ng Committee on Civil Service and Professional Regulation si Batangas Rep. Mario Vittorio Go.
Samantala, hahalili naman sa naiwang puwesto ni Villarica, si Isabela Rep. Ana Go.
Kabilang sina Arroyo at Santos-Recto sa 12 kogresista na tinanggalan ng chairmanship noong March 15 makaraang bumoto kontra sa House Bill 4727 o panukalang bubuhay sa parusang kamatayan.
By Drew Nacino
