Tiniyak ng Malakanyang na mabibigyan ng hustisya ang 19 na nasawi sa nahulog na bus sa Occidental Mindoro nuong Martes.
Ayon kay Presidential Spokesman Harry Roque , nalulungkot sila sa nangyaring malagim na insidente at nakikiramay sila sa mga naiwang pamilya ng mga namatay.
Hinihintay na lamang aniya nila sa ngayon ang resulta ng imbestigasyon ng Land Transportation Franchising and Regulatory Board (LTFRB).
Giit ni Roque, tiyak na may masisibak sa serbisyo kapag napatunayan na nagkaroon ng kapabayaan sa hanay ng LTFRB dahil sa hindi regular na pag- iinspeksyon ng mga pampublikong sasakyan.
-Jopel Pelenio
