Magandang balita para sa mga ‘Frozen’ fans.
Matapos ang ilang buwang espekulasyon, kinumpirma na ng Disney na mapapanood na rin ang animation hit movie sa Broadway.
Ang musical adaptation nito ay magbubukas sa labas ng New York, August ng susunod na taon habang ipapalabas naman ito sa Broadway sa 2018.
Sinabi ni Disney Chief Operating Officer Tom Staggs na nasa proseso na rin ang sequel ng pelikula.
Idinagdag niya na dapat abangan ng mga fans ang pinaka-unang Frozen TV series na i-eere sa ABC sa 2017 holiday season.
Matatandaang sa paglabas ng pelikula noong 2013 ay naging very successful nito at nakapagtala ng 1.27 billion dollars na kita sa box office.
Nakasungkit din ng 2 Oscars award ang pelikula.
