Tiniyak ng US ang pagpapanatili ng freedom of navigation lalo ng mga oil tanker sa Persian Gulf sa kabila ng bantang ipasasara muli ito ng Iran.
Ayon kay Capt. Bill Urban, Spokesman ng US Central Command, handa ang US Navy at regional allies nito na salagin ang banta ni Iranian President Hassan Rouhani.
Magugunitang inihayag ni Rouhani maaaring ipatigil nila ang kanilang regional exports kung pipigilan sila ng Amerika na mag-export ng langis matapos umatras ang Estados Unidos sa nuclear deal sa mga kapwa world powers.
Ang Persian Gulf ang pangunahing daanan ng mga oil tanker patungo at palabas ng Middle East.
Sa oras na ipasara ang nasabing waterway ay nanganganib na maapektuhan ang daloy ng oil export hindi lamang ng Iran kundi ng Saudi Arabia, Kuwait, Bahrain at Qatar na magreresulta sa pagtaas ng presyo ng krudo sa world market.
—-
