Pinangunahan ni Pangulong Rodrigo Duterte ang panunumpa ng mga bagong talagang opisyal ng pamahalaan sa Malakanyang.
Kabilang dito ang bagong talagang acting secretary ng Department Agriculture na si William Dar, acting secretary ng Department of Budget and Management Wendel Avisado at Supreme Court Associate Justice Zalameda.
Sa hiwalay na okasyon sa malakanyang, pinangunahan din ng pangulo ang mass oath taking ng ibang mga bagong appointees tulad ng mga hukom at prosecutors.
Sa kanyang talumpati, sinabi ni Pangulong Duterte na kanyang inaasahan ang tulong ng mga bagong talagang opisyal para mapanatili ang tiwala ng taumbayan sa pamahalaan sa pamamagitan ng mga repormang makatutulong sa pagpapaunlad ng kabuhayan.
