Daan-daang deboto ng Santo Niño ang lumahok sa prusisyon nang naka-yapak o tinatawag na “Walk with Mary” sa Cebu, bilang bahagi ng Sinulog Festival sa kabila ng pag-ulan.
Nagsimula ang prusisyon sa Fuente Osmeña at dumaan ng Osmeña Boulevard hanggang sa Basilica del Sto. Niño para naman sa misa de traslacion, kaninang umaga.
Bitbit ang mga kandila, rosary at payong, hindi inalintana ng mga deboto ang pag-ulan habang nagdarasal sa Lady of Guadalupe.
Samantala, isa pang prusisyon at motorcade ang isasagawa mula sa Basilica hanggang sa Lapu-Lapu City.
Magaganap naman sa Linggo, Enero 21 ang grand event na bahagi ng kapistahan gaya ng Sinulog grand parade.
—-
