Wala pang naitatalang pinsala ang Department of Agriculture (DA) sa sektor ng agrikultura bunsod ng bagyong Falcon.
Kung tutuusin, mas kailangan ngayon ng mga magsasaka ang dalang ulan ng bagyo para sa mga palayan sa Ilocos at Cagayan Valley.
Gayunman, tiniyak ng DA na patuloy ang kanilang pakikipag-ugnayan sa mga lokal na pamahalaan upang matiyak na mabibigyan ng tulong kung mayroon mang mga magsasaka na naapektuhan ng bagyo.
