Nagpaliwanag na ang Kapamilya actor na si Coco Martin sa dahilan ng kanyang pagtanggi sa alok na maging pangulo ng Kapisanan ng mga Artista sa Pelikulang Pilipino at Telebisyon o KAPPT.
Aminado si Coco na hindi pa siya handang maging opisyal ng KAPPT lalo’t isa itong malaking responsibilidad.
Ini-alok anya sa kanya ang posisyon ng kasalukuyang KAPPT president na si Rez Cortez na co-star sa “FPJ’s Ang probinsyano.”
Ayon kay Coco, pangunahin niyang layunin ay tulungan ang mga kapwa artista pero sa ibang paraan.
Ipinunto rin ng aktor na masyado pa siyang bata sa edad na trenta’y singko at wala pang karanasan sa paghawak ng isang posisyon lalo ang maging pangulo ng isang organisasyon.
By Drew Nacino
