Kalaboso ang kinabagsakan ng isang army officer at anak ng isang dating bise alkalde makaraang madakip sa ikinasang drug bust sa Malaybalay City, Bukidnon.
Sina 2nd Lt. Arthur Rey Aranggo ng Philippine Army at Lorenzo Victor Aldeguer, anak ni dating Malabalay City Vice Mayor Victor Aldeguer ay naaresto kasama sina Geoff Augustus Silabay, Roger Hernandez, Shinray Dumaguit, Maria Lourdes Velencia at Juliet Kane Cruspero.
Ayon sa pulisya, si Silabay na nagtatrabaho bilang nurse sa Bukidnon Provincial Hospital ay isang big time pusher na nagpapatakbo ng drug den sa lungsod.
Nasabat sa mga suspek ang limang sachet ng hinihinalang shabu na tinatayang nagkakahalaga ng 135,000 pesos, drug paraphernalia at ilang cellphone.
By Gilbert Perdez
