Itinanggi ni Angelica Panganiban na break na sila ng kanyang boyfriend na si John Lloyd Cruz.
Ayon kay Angelica, walang basehan ang naturang isyu at nananatili aniyang matibay ang relasyon nila ni John Lloyd.
Una rito, lumabas na column ni Ricky Lo na batay sa kanyang source ay 3 linggo nang hindi nag-iimikan itong sina Angelica at John Lloyd na nangyari na rin aniya noong isang taon.
Kumpiyansa ang naturang source na hiwalay na nga itong sina Angelica at John Lloyd.
Depensa naman ni Angelica, mature na sila ni John Lloyd sa paghawak ng realasyon nila at malaki ang naitulong ng pundasyon nila bilang magkaibigan.
Sa darating na Setyembre, magta-tatlong taon nang magkarelasyon sina Angelica at Lloydie.
By Ralph Obina
