Tinatayang pito (7) katao ang nasawi sa pamamaril sa isang Coptic church sa mga sumasamba at security forces ng Egypt sa Cairo.
Kabilang sa mga nasawi ang isang pulis na nagbabantay sa labas ng simbahan.
Ayon sa Interior Ministry, naaresto ng mga otoridad ang suspek na nasugatan sa pagresponde ng mga pulis sa insidente.
Unang namaril ang suspek sa isang shop, apat (4) na kilometro ang layo mula sa simbahan kung saan dalawang (2) iba pa ang nasawi.
Matapos nito ay nagtungo ang gun man sa Mar Mina Church sa liblib na lugar ng Helwan, kung saan muli siyang namaril at nagtangka pang maghagis ng pampasabog.
Wala pang umaako sa insidente subalit mahigpit na itong iniimbestigahan ng mga otoridad.
