Pormal nang inanunsiyo ng Office of the Press Secretary ang pangalan ng magsisilbing Malacañang Press Briefer sa ilalim ng Marcos Administration.
Sa pulong balitaan, ipinakilala ni OPS OIC Undersecretary Cheloy Garafil si Daphne Oseña Paez bilang briefer ng palasyo.
Si Paez ay anak ng dating piloto ni dating Pangulong Ferdinand Edralin Marcos na si Colonel Delio Oseña.
Una nang naging maugong ang pangalan ni Paez sa pagka-presidential spokesperson bukod sa iba pang pangalan partikular nina Gilbert Remulla, Mike Toledo at Adel Tamano.
Si Paez ay dating ABS-CBN lifestyle show host.
Pangungunahan ni Paez ang press briefing sa palasyo tuwing martes pagkatapos ng cabinet meeting.
Nagsimula ang television career ni Paez bilang reporter ng ABS – CBN nuong 1990 at naging bahagi ng english late-night newscast na the world tonight bilang siyang nagbibigay ng ulat sa lagay ng panahon. – sa ulat mula kay Gilbert Perdez (Patrol 13)
