Patay ang apat na skiers habang nasagip naman ang apat na iba pa sa naganap na avalanche o pagguho ng niyebe malapit sa Salt Lake City sa Utah.
Hindi tinukoy ni Sgt. Melody Cutler ng Police Department ang pagkakakilanlan ng mga nasawi ngunit inilarawan niya ang mga ito na may edad 20 hanggang 30 taong gulang.
Ayon sa mga awtoridad, kilalang ski area ang pinangyarihan ng insidente at kahit delikado rito ay marami pa ring nagpupuntang skiers.
Matatandaang isa ring residente ng Utah ang namatay noong nakaraang linggo matapos malibing nang buhay sa yelo nang maabutan ng avalanche malapit sa isang resort sa naturang lugar.
