Isasailalim na rin sa general community quarantine (GCQ) ang Bangsamoro Autonomous Region in Muslim Mindanao (BARMM) simula Hunyo 1.
Ayon kay Atty. Naguib Sinarimbo, tagapagsalita ng BARMM, bagama’t luluwagan na ang lockdown sa rehiyon ay mahigpit pa ring ipatutupad ang physical distancing, at dapat nakasuot ng face mask kung lalabas ng bahay at ugaliin ang regular na paghuhugas ng kamay.
Kasabay nito, nanawagan si Sinarimbo sa publiko na makipagtulungan sa pamahalaang panlalawigan dahil kailangan ito para sa pagbangon ng ekonomiya.
