Ang Spongecola vocalist na si Yael Yuzon ang napipisil ng singer composer na si Ogie Alcasid na maging susunod na pangulo ng Organisasyon ng Pilipinong Mang-aawit o OPM.
Ayon sa kasalukuyang OPM President, may angking galing si Yael lalo pa’t nakakausap niya ito at magaganda aniya ang mga ideya nito.
Sinabi pa ni Ogie na mula sa banda si Yael kayat alam na alam aniya nito ang hinaing ng mga ito.
Gayunman, dadaan aniya sa eleksyon ang pagpili sa susunod na pamunuan ng OPM sa darating na Disyembre.
Sinabi ni Ogie na sapat na sa kanya ang 6 na taong paglilingkod at sa tingin naman niya ay nagawa niya ng mabuti ang kanyang tungkulin para sa kapakanan ng mga Pilipinong mang-aawit sa bansa.
By Ralph Obina
Photo: Screengrab from Yael Yuzon /Instagram
