Umakyat na sa 10,721 ang bilang ng mga high value targets na naaresto ng otoridad simula ng ikasa ng administrasyong Duterte ang giyera kontra iligal na droga taong 2016.
Batay sa datos na inilabas ng Philippine Drug Enforcement Agency (PDEA), ang kabuuang bilang na nabanggit ay kinabibilangan ng 287 na mga dayuhan, 362 na opisyal ng gobyerno, 102 uniformed personnel at 445 na government employees.
Tinatayang nasa 3,098 naman ang naaresto mula sa target list, 751 na drug group leaders at mga miyembro nito, 66 na armed group members, 1,035 drug den maintainers, 232 wanted listed, 18 celebrities, at 4,325 mula sa high impact operations.
Nasa 266,126 naman ang nahuli sa mga ikinasang anti-illegal drugs operatons, 5,942 ang suspected drug personalities na nasawi habang P46.42 billion naman ang halaga ng iligal na droga ang nasabat ng mga otoridad.
Sa ngayon ay nasa 20,538 barangay na sa bansa ang naideklarang drug free kung saan 14,308 na lamang na barangay ang natitira para linisin sa iligal na droga.
