Bawal na muna ang videoke sa Cebu City mula Lunes hanggang Biyernes.
Ito ay sa bisa ng executive order na nilagdaan ni Cebu City Mayor Edgardo Labella, kung saan ipinagbabawal muna ang pagvi-videoke upang hindi maistorbo ang mga estudyante sa kanilang online classes, pati na ang mga manggagawang naka work-from-home.
Ang naturang ban ay epektibo mula alas-8 ng umaga hanggang alas-5 ng hapon mula Lunes hanggang Biyernes.
Inatasan naman ang mga pulis at mga sundalo na ipatupad ang naturang direktiba.
